इलाम । इलामको चुलाचुली गाउँपालिका-५ चपेटीस्थितमा बोलेरो गाडीलाई खोलाले बगाउदा एक बालकसहित २ जनाको मृत्यु भएको छ ।
सोमबार बेलुका ६ बजे दमकदेखि माङ्सेबुङतर्फ जाँदै गरेको लु. १ च ९४९१ नम्बरको बोलेरो गाडीलाई रतुवा खोला पार गर्ने क्रममा खोलामा आएको बाढीले गाडी बगाई बेपत्ता भएको भन्ने खबर प्राप्त भएसगै खटिएको प्रहरी टोलीले खोजतलास गर्ने क्रममा घटनास्थलदेखि अन्दाजी २ किलोमिटर आसपासमा माङ्सेबुङ गाउँपालिका- ५ की ३१ वर्षीय सर्मिला वानेम र माङ्सेबुङ गाउँपालिका- ३ का निरु लिम्बूको ३ वर्षीय छोरा निहाङ लिम्बूलाई मृत अवस्थामा फेला पारेको थियो ।
घटनामा परी घाईते भएका २७ वर्षीय निरु लिम्बूको लाइफ लाइन अस्पतालमा उपचार भईरहेको छ । चालक माङ्सेबुङ गाउँपालिका- ५ का २२ वर्षीय नेत्रहाङ राईलाई नियन्त्रणमा लिई थप अनुसन्धान भईरहेको प्रहरीले जनाएको छ ।
फोटो:फाइल
