काठमाडौं । एभरेष्ट वुमन्स भलिबल लिग अन्तर्गत चितवन शक्तिले लिगको चौथो खेल कर्णाली यस्वीससँग खेल्ने भएको छ ।
बिहीबार लिगको चौथो दिन चितवनले हालसम्म अपराजित रहँदै आएको कर्णाली यस्वीससँग खेल्नेछ ।
खेल बेलुका ५ः४५ मा राष्ट्रिय खेलकुद परिषदको कर्भड हलमा सुरु हुनेछ । चितवनले तीन खेलमा दुई जित र एक हार व्यहोरेको छ ।
चितवनले आफ्नो पहिलो खेलमा गण्डकी थन्र्डसलाई ३–१ ले पराजित गरेको थियो । त्यस्तै, दोस्रो खेल भने चितवनको पक्षमा रहेन । चितवनले काठमाडौं स्पाइकर्ससँग ३–१ को हार बेहोरेको थियो ।
तेस्रो खेलमा चितवनले मधेश युनाइटेडलाई ३–१ सेटमा पराजित गरेको हो । चितवनले हालसम्म अपराजित रहेको कर्णालीसँग बलियो आत्मविश्वासका साथ खेल्ने र जित निकाल्ने दाउमा हुनेछ ।
