विराटनगर । नेपाल प्रिमियर लिग लिग (एनपीएल) टोली विराटनगर किंग्सले नेदरल्याण्ड्सका कप्तान स्कट एडवार्डलाई अनुबन्ध गरेको छ ।
विराटनगरले बाँकी खेलका लागि विकेटकिपर ब्याटर एडवार्ड्सलाई भित्र्याएको हो । उनी मंगलबार नेपाल आइपुगेका छन् ।
उनले नेदरल्यान्ड्सका लागि ७१ टि ट्वान्टी आईमा एक हजार २१ रन बनाएका छन् । विराटनगरले एनपीएलको ४ खेलमा १ मा जितका साथ तालिकाको पुछारमा रहेको छ ।
विराटनगर किङ्स टोलीमाा सन्दीप लामिछाने, लोकेश बम, प्रतिस जीसी, बसिर अहमद, राजेश पुलामी मगर, जितेन्द्रकुमार मुखिया, अनिल खरेल, दीपक बोहोरा, सुभाष भण्डारी, नरेन भट्ट, म्रिनाल गुरुङ, अकिब इल्यास, निकोलस कीर्तन, मार्टिन गप्टिल, क्रिस सोल र इस्मत आलम रहेका छन्।
