विराटनगर । विराटनगर महानगरपालिकाले महानगरपालिका भित्र सुर्तीजन्य पदार्थको बिक्री वितरण, भण्डारण तथा सार्वजानिक स्थानमा सेवनलाई नियन्त्रण गर्ने नीति अगाडी सारेको छ ।'
आगामी आर्थिक वर्षको नीति तथा कार्यक्रममा यसलाई समेट्दै नागरिकको स्वास्थ्य संरक्षण गर्ने दायित्वलाई कडाईपूर्वक पालना गराउने भनिएको हो ।
उपप्रमुख शिल्पा निराला कार्कीले प्रस्तुत गरेको नीति तथा कार्यक्रममा ‘तपाईको स्वास्थ्य महानगरको चासो’ मुल नारा दिएर यो अभियानलाई नगरवासीको हितका लागि कार्यन्वयन गरिने भनिएको छ ।
महानगरपालिकाले यस अगाडी समेत सुर्तीजन्य पदार्थको खुल्ला बिक्री वितरणलाई रोक्ने प्रयास गरेको थियो । तर, कानुन बनाएर रोक्न गरिएको प्रयास विरुद्ध उत्पादक अदालत पुगेका थिए । अदालतले महानगरपालिकाको अभियानको पक्षमा आदेश दिइसकेकोले आगामी दिनमा यसको कार्यन्वयनको कानुनी बाटो खुलेको छ ।
