काठमाडौं । प्रदर्शनकारीहरुले मंगलबार विभिन्न भौतिक संरचनामा लगाएको आगो बुधबार दिउँसोसम्म बलिरहेको छ । कोटेश्वर र नक्सालस्थित भाटभटेनी सुपरमार्केटमा आगो निभ्न सकेको छैन ।
प्रदर्शनकारीले व्यक्तिको घर, पसल, सरकारी कार्यालय, व्यापारिक भवनहरुमा आगो लगाएका थिए । जुन आगो अहिलेसम्म पूर्णरुपमा नियन्त्रणमा आउन नसकेको हो ।काठमाडौं महानगरपालिकाको दमकलले नक्साल भाटभटेनीमा आगो निभाउने प्रयास गरिरहे पनि चावहीलको चुच्चेपाटीस्थित भाटभटेनी सुपरमार्केट र कोटेश्वरको भाटभटेनी सुपरमार्केटबाट भने धुँवाको मुस्लो आइरहेको छ ।
त्यस्तै कतिपय निजी सम्पत्तिमा लगाइएको आगो पनि निभेको छैन । यस्तै, भक्तपुरको राधेराधेमा अवस्थित भाटभटेनी सुपर मार्केटमा भने तोडफोड गरिएको छ ।
