विराटनगर । विराटनगर महानगरपालिका–११ स्थित बसपार्क पछाडि रहेको राधारत्न ओखलढुंगा छापाखाना ( "कन्चन बहुउद्देश्यीय प्रा.लि.") मा आगलागी भएको छ।
बिहीबार साँझ केही समयअघिदेखि छापाखानामा अचानक आगलागी भएको हो। भवनाथ पौडेलले विगत ३० वर्षदेखि सञ्चालन गर्दै आएको उक्त छापाखानामा लागेको आगो नियन्त्रणमा लिन विराटनगर महानगरपालिकाका तीनवटा दमकल परिचालन गरिएको महानगरका प्रहरी निरीक्षक राजन पौडेलले जानकारी दिए ।
दमकलको सहायताले आगो नियन्त्रणमा लिने प्रयास भइरहेको छ।
आगलागीको कारण, क्षतिको विवरण तथा मानवीय क्षतिबारे थप जानकारी आउन बाँकी छ।
