विराटनगर । राजधानीमा जारी तेस्रो संस्करणको नेपाल प्रिमियर लिग (एनपीएल) अन्तरगत आजकाे दाेस्राे खेलमा कर्णाली याक्सले विराटनगर किङ्समाथि ४ विकेटको राेमाञ्चक जित निकालेकाे छ।
जितका लागि १८७ रनकाे बिशाल लक्ष्य कर्णालीले १९.५ ओभरमा ६ विकेटको क्षतिमा पूरा गर्याे । जसमा कप्तान साेमपाल कामीले अर्धशतकीय पारी खेल्दै ६२ रनकाे याेगदान गरे।विराटनगरका एन्जलाे म्याथाेजले ३ विकेट लिए। यसअघि कीर्तिपुर मैदानमा टस हारेर ब्याटिङकाे निम्तो दिएकाे विराटनगरले निर्धारित २० ओभरमा ७ विकेटको क्षतिमा १८६ रन बनायाे।
जसमा लाेकेश बमले अर्धशतकीय पारी खेल्दै सर्वाधिक ८७ रन बनाए। उनी अर्धशतक बनाउने चाैथाे खेलाडी समेत बने। यस्तै एन्जलाे माथ्युजले ३१ र आन्द्रे रसेलले २७ रनकाे याेगदान गरे। कर्णालीका कप्तान साेमपाल कामी एक्लैले ४ विकेट हात पारे। कर्णालीकाे याे दाेस्राे जित हाे भने विराटनगरकाे दाेस्राे हार हाे।
