विराटनगर । मोरङ प्रहरीले ४६ जना फरार प्रतिवादीलाई पक्राउ गरेको छ । जिल्ला प्रहरी कार्यालय मोरङबाट खटिएको विशेष प्रहरी टोलीले जिल्ला अदालत मोरङबाट चोरी, लागु औषध, अंशचलन, सार्वजनिक अपराध, जुवा तथा लुटपिट लगायतका अपराधमा दोषी ठहर्याएको ब्यक्तिलाई पक्राउ गरेको हो । अदालतबाट कैद तथा जरिवानाको सजाय तोकी हालसम्म फरार रहेका ४६ जना प्रतिवादीहरुलाई एकै दिन नियन्त्रणमा लिई जिल्ला अदालत मोरङमा दाखिला गरेको जिल्ला प्रहरी कार्यालय मोरङका डिएपी राजकुमार खिउजुले बताए ।
यसरी दाखिला गरेका मध्ये अधिकांश तोकिएको जरिवाना रकम दाखिला गरी अदालतबाट छुटिसकेका छन् ।
