विराटनगर । पुर्ब पस्चिम राजमार्ग अन्तरगत मोरङको बेलवारीमा भएको सवारी दुर्घटनामा एकजनाको ज्यान गएको छ । मोरङको वेलबारी नगरपालिका २ स्थित पूर्व पश्चिम राजमार्गमा ट्रकको ठक्करबाट ७० बर्षीय बल बहादुर लिम्बुको ज्यान गएको हो ।
आज विहान पूर्ब तर्फ जादै गरेको ना ६ ख ३७२७ नम्बरको ट्रकले पैदल यात्री तेह्रथुम बसन्तपुर नगरपालिका ४ बस्ने बल बहादुर लिम्बुलाई ठक्कर दिएको थियो । गम्भीर घाईते भएका लिम्बुको न्यूरो अस्पताल बिराटनगरमा उपचारको क्रममा ज्यान गएको जिल्ला प्रहरी कार्यालय मोरङले जनाएको छ ।
ठक्कर दिने ट्रक र चालक बारा निजगढ नगरपालिका ९ वस्ने २५ वर्षीय रमेश बर्तौला ईलाका प्रहरी कार्यालय बेलबारीको नियन्त्रणमा दिएको छ ।
