ईलाम । ईलामको सुर्योदय नगरपालिका ५ अन्तुडाँडामा आगलागी हुँदा २६ लाख बराबरको क्षती भएको छ । आज बिहान मानबिर तामाङको दुईतल्ले काठ सिमेन्ट र टिनको छानोले बनेको फ्याफुल्ला होमस्टेमा बिधुत सट भई आगलागी भएको जिल्ला प्रहरी कार्यालय ईलामले जनाएको छ ।
आगलागीबाट घर भित्र रहेको चार तोला सुनका गरगहना, नगद पाँचलाख तथा सम्पुर्ण सामानहरु पुर्ण रुपमा जलेर नष्ट भएको छ । आगलागी भएको जानकारी पाउनासाथ प्रहरी चौकी सामाल्बुङबाट गएको प्रहरी टोली र स्थानीयवासीको सहयोगमा बिहान साढे १० बजेको समयमा आगो पुर्ण रुपमा नियन्त्रण आएको प्रहरीले जनाएको छ ।
