विराटनगर फाल्गुन १८ ,
कृष्णप्रसाद सिग्देल यूवा पत्रकारिता पुरस्कार मोरङ्गका पत्रकार किशोर बुढाथोकीलाई प्रदान गरिएको छ ।
अन्नपूर्ण पोष्टका विराटनगरका संवाददाता पत्रकार बुढाथोकीलाई प्रेस संगठन मोरङ्गको सपथ ग्रहण समारोहका बिच सो पुरस्कार प्रदान गरिएको हो । उनलाई १० हजार १ सय ११ रुपैयाँ नगद राशी सहित पुरस्कार वितरण गरिएको छ । प्रेस संगठन मोरङको कार्यसमितिको सपथग्रहण कार्यक्रमको अवसरपारि प्रदान गरिएको सो पुरस्कार यसअघि तत्कालिन प्रेस चौतारी नेपालको स्थापना दिवसको अवसरमा वितरण गरिदै आईएको थियो ।
सो पुरस्कारबाट यसअघि पत्रकार भक्त राई, शान्ति दाहाल, मिलन के राउत, कमल रिमाल र सुमन सुस्केरा समेत पुरस्कृत भईसक्नु भएको छ ।
