विराटनगर । सुनसरी बराहक्षेत्र(७ देबिघाट बस्ने नर बहादुर बर्देवाको छोरी १५ बर्षीया मौसम बर्देवा मृत अवस्थामा फेला परेकी छिन ।
हिजो घरबाट कोहि कसैलाई नसोधि हिडेकी मौसम सोमबार दिउँसो ३ बजे सुनसरी बराहक्षेत्र(६ ठाकुरबारीको कोशी किनारमा मृत अवस्थामा फेला परेकी हुन ।
घोप्टो परेको अवस्थामा मृत फेला परेकी बालिकालाई स्थानीय गोठालाले देखी ईलाका प्रहरी कार्यालय महेन्द्रनगरमा जानकारी गराएका थिए । घटनाको जानकारी पाउनसाथ स्थानीय सहित घटनास्थलमा खटिएको प्रहरी टोलीले बालिकाको पहिचान गरेको हो । घटना सम्बन्धमा थप अनुसन्धान भईरहेको प्रदेश प्रहरी कार्यालय विराटनगरले जनाएको छ ।
