राष्ट्रिय युवा संघ नेपालका नेता किशोर भट्टराईले बुढिगंगा-१ पूष्पलाल चौकस्थित महिला जागृति वृद्धा आश्रममा पुगेर सहयोग गरेका छन् । कोरोना भाइरसको जोखिम बढेसँगै सरकारले जारी गरेको लकडाउनका कारण अभाव सिर्जना भएको जानकारी पाएसँगै भट्टराईले वृद्धा आश्रमलाई नगद २७ हजार सहयोग गरेका हुन् ।
संस्थाकी अध्यक्ष भुवनेश्वरी आचार्यलाई नगद हस्तान्तरण गर्दै भट्टराईले आश्रमका रहेका आमाहरुलाई फलफूल समेत वितरण गरे । उनले विश्व नै आक्रान्त बनिरहेको यो समयमा सबैले सक्दो सहयोग गर्नु पर्ने बताए । साथै आगामी दिनमा समेत यस्ता सहयोगलाई निरन्तरता दिने प्रतबद्धता व्यक्त गरे ।
