एजेन्सी । भारतमा कोरोना भाइरसको संक्रमणबाट अहिलेसम्म नौ सयभन्दा बढीको मृत्यु भइसकेको छ । भारतको स्वास्थ्य एवं परिवार कल्याण मन्त्रालयले कोरोना भाइरसको संक्रमणबाट अहिलेसम्म नौ सय ३४ जनाको मृत्यु भएको पुष्टि गरेको छ ।
स्वास्थ्य मन्त्रालयका अनुसार विगत चौबीस घण्टामा मात्रै ६२ जनाको मृत्यु भएको छ । भारतमा कोरोना भाइरस संक्रमितको संख्या २९ हजार चार सय ३५ पुगेका छन् ।
जसमध्ये ६ हजार आठ सय ६८ संक्रमित उपचारपछि घर फर्किएका छन् । भारतको महाराष्ट्रमा सबैभन्दा बढी आठ हजार पाँच सय ९० संक्रमित छन् । यस्तै दोस्रो स्थानमा रहेको गुजरातमा संक्रमितको संख्या तीन हजार पाँच सय ४८ पुगेको छ । -बीबीसी
