नयाँ दिल्ली । भारतमा नोभेल कोरोना भाइरस संक्रमितको संख्या ३३ हजारभन्दा बढी पुगेको छ ।
भारतीय स्वास्थ्य मन्त्रालयले बिहीबार साँझ सार्वजनिक गरेको नयाँ तथ्यांकअनुसार हालसम्म भारतमा ३३ हजार ६१० कोरोना संक्रमित रहेका छन् ।
भारतमा पछिल्लो २४ घण्टामा एक हजार ७१८ कोरोना संक्रमित थपिएका छन् ।
भारतीय स्वास्थ्य मन्त्रालयका सचिव लव अग्रवालले देशभर २३ हजार ६५१ संक्रिय कोरोना संक्रमित रहेको जानकारी दिए । उनका अनुसार हालसम्म ८ हजार ३२५ कोरोना संक्रमितलाई उपचारपछि अस्पतालबाट डिस्चार्ज गरिएको छ ।
भारतमा हालसम्म कोरोना संक्रमणबाट मृत्यु हुनेको संख्या एक हजार ७५ पुगेको छ ।
देशभर कोरोना रिकभरी रेट २५ दशमलब १९ प्रतिशत रहेको सचिव अग्रवालले बताए । - बीबीसी
