विराटनगर । विराटनगर भन्सार कार्यालय रानीमा कार्यरत चारजना कर्मचारीमा कोरोना संक्रमण पुष्टि भएको छ । भन्सारको कम्प्यूटर, जाँचपास र तथ्यांक शाखामा काम गर्ने चार कर्मचारीमा कोरोना संक्रमण पुष्टि भएको हो ।
भन्सार कार्यालयका सूचना अधिकृत सुनिता पौड्यालका अनुसार २० जनाको स्वाब संकलन गरेर परीक्षण गर्दा चारजनामा कोरोना पोजेटिभ देखिएको छ । दैनिक तीन सय सवारीको जाँचपास गर्ने कर्मचारीमा संक्रमण पुष्टि भएपछि भन्सार क्षेत्रमा सन्त्रास छाएको छ ।
