विद्यालयमा जुवातास खेल्ने विद्यालयका प्रधानाध्यापकसहित ११ जनालाई चितवन प्रहरीले पक्राउ गरेको छ ।
बिहीबार दिउँसो खैरहनी नगरपालिका वडा नम्बर-२ स्थित लिटिल हेभन स्कुलमा जुवा खेलिरहेको सूचना पाएपछि इलाका प्रहरी कार्यालय खैरहनीको टोली विद्यालयमा पुगेको थियो ।
विद्यालयको कक्षाकोठामा जुवातास खेलिरहेको अवस्थामा ४५ हजार ६४० रुपैयाँ र ताससहित पक्राउ गरिएको जिल्ला प्रहरी कार्यालय चितवनका सूचना अधिकृत डीएसपी सूर्य थापाले जानकारी दिनुभयो ।
पक्राउ पर्नेहरु सबै खैरहनी नगरपालिका-२ का रहेका छन् ।
पक्राउ परेकाहरुमाथि जुवा कसुरअन्तर्गत् कारबाही प्रक्रिया अगाडि बढाइने डीएसपी थापाले बताउनुभयो ।
