विराटनगर । मोरङको धनपालथान गाउँपालिका ३ बाङ्गेबजार टोल बस्ने शिबचन यादबको गाईगोठमा आइतबार बिहान आगलागी भएको छ । लामखुट्टे धपाउन बालेको घुरबाट अचानक आगो सल्कदाँ जस्ताको छाना, काठ र बाँसको बेरा गरेको १ तले गाईगोठमा क्षति पुगेको हो ।
यादवको गाईगोठमा भएको आगलागीबाट अन्दाजी ७० हजार रुपैँया क्षति पुगेको भएपनि मानविय तथा चौपायामा क्षति नभएको जिल्ला प्रहरी कार्यालय मोरङका प्रवक्ता मानबहादुर राईले जानकारी दिनुभयो । अस्थायी प्रहरी चौकी बतौनाको टोलिले आगो नियन्त्रणमा लिइएको थियो । आगलागीबाट साईकल थान २ र गाईगोठ पूर्ण रुपमा जलेर नष्ट भएको हो ।
