प्रबिन दाहाल
काठ्मान्डौ
अखिल नेपाल फुटबल संघ एन्फाका कार्यवाहक अध्यक्ष ललितकृष्ण श्रेष्ठको करेन्ट लागेर निधन भएको छ । हिजो मात्र भैंसेपाटीस्थिति नयाँ घरमा सर्नुभएका श्रेष्ठलाई विजुलीको लाइन मिलाउने क्रममा करेन्ट लागेको थियो । करेन्ट लागे लगत्तै अस्पताल ल्याएपनि चिकित्सकले मृत घोषणा गरेका थिए । सार्वजनिक लेखा समितिले एन्फाका अध्यक्ष गणेश थापाको अध्यक्ष पद स्थगन गर्न भनेपछि श्रेष्ठ कार्यवाहक अध्यक्ष हुनुभएको थियो । थ्रीस्टार क्लवका अध्यक्षसमेत रहेका श्रेष्ठ राम्रो फुटबल प्रशासक हुनुहुन्थ्यो । श्रेष्ठका श्रीमती, छोरा र छोरी छन् ।
