विराटनगर । महिलालाई जर्बरजस्ती करणी गरेर गत साउन १ गतेदेखि फरार रहेका जहदा–५ का बिशाल सोनार ठाकुर प्रहरी नियन्त्रणमा परेका छन् । ठाकुरले विराटनगर (५) सांकेतिक नाम गरेकी २३ वर्षीया किशोरीलाई जर्बरजस्ती करणी गरेको आरोप लागेको थियो ।
साउन १ गते साँझ ६ बजेतिर कटहरी–३ खयरबना टोलको भित्री बाटोमा युवतीलाई ललाई फकाई प्रलोभनमा पारेर जवरजस्ती करणीपछि उनी फरार भएका थिए ।
फरार रहेको निज ठाकुरलाई १ नं. प्रदेश प्रहरी कार्यालय रानी, विराटनगरबाट खटिएको प्रहरी टोलीले मंगलबार रंगेलीबाट नियन्त्रणमा लिइएको थियो । उनलाई थप अनुसन्धानका लागि मोरङ प्रहरीमा बुझाइएको छ । मोरङ प्रहरीका प्रवक्ता मानबहादुर राईका अनुसार उनी विरुद्ध थप अनुसन्धान सुरु गरिएको छ ।
