लामो समयदेखि घाटामा रहेको नेपाल आयल निगम विगत पाँच वर्ष यता नाफामा छ । निगम आर्थिक वर्ष २०७२-०७३ देखि (पाँच वर्ष यता) नाफामा सञ्चालन भइरहेको छ । निगमले आव २०७२-०७३ मा रु १९ अर्ब ३६ करोड, आव २०७३-०७४ मा रु नौ अर्ब ४५ करोड, २०७४-०७५ मा रु तीन अर्ब ५८ करोड, २०७५-०७६ मा आठ अर्ब ७५ करोड र गत आव २०७६-०७७ मा रु १२ अर्ब ८७ करोड नाफा कमाएको छ ।
निगमले आर्थिक वर्ष २०७५-७६ मा रु २९ करोड रहेको चुक्ता पूँजीलाई रु दश अर्ब पूँजी वृद्धि गरेर रु एघार अर्ब पुर्याएको थियो । आर्थिक वर्ष २०७५-७६ मा निगमले नाफा रकमबाट २० प्रतिशत लाभांश वितरण गरेको थियो । आर्थिक वर्ष २०७६-७७ मा नाफा रकमबाट शेयर होल्डरलाई २० प्रतिशत लाभांश वितरण गर्ने तयारी गरेको जनाइएको छ ।
