विराटनगर । मोरङमा सम्पूर्ण बैंक तथा वित्तिय संस्थाहरुको अत्यावश्यक बाहेकको कारोबार जेठ ११ गतेसम्म बन्द गरिएको छ । जिल्ला प्रशासन काार्यलयको निर्देशन बमोजिम नेपाल राष्ट्र बैंक विराटनगर कार्यालयले जिल्लाका बैंक तथा वित्तिय संस्थाहरुलाई कारोबार बन्द गर्न अनुरोधसहितको परिपत्र जारी गरेको हो ।
कोरोना संक्रमण बढ्दै जाँदा बैंक तथा वित्तिय संस्थाका कर्मचारीले समेत बैकिङ कारोबार बन्द गर्नुपर्ने माग गर्दै आएका थिए । बन्दको अवधीमा समेत बैंक तथा वित्तिय संस्थामा देखिएको भीडले विराटनगर महानगरपालिकावासी भने त्रसित रहँदै आएका थिए ।
विराटनगरका कार्यालयका निर्देशक सत्येन्द्र तिम्सिनाले जिल्ला प्रशासन कार्यालय मोरङ र नेपाल राष्ट्र बैंक तथा वित्तीय संस्था नियमन विभागलाई समेत बोदार्थ पठाउँदै बैंक तथा वित्तिय संस्था बन्द गर्न अनुरोध गर्नु भएको छ । अनलाइन बैकिङ्ग, एटीएम र अन–कल सेवालाई व्यवस्थित गरि अन्य सम्पूर्ण कारोबार बन्द गर्न राष्ट्र बैंक विराटनगर कार्यालयले आग्रह गरेको हो ।
