इटहरी । इलाका प्रहरी कार्यालय इटहरीले शारिरीक रुपमा अशक्त नाबालिकालाई जर्बरजस्ती करणी आरोपमा ६७ वर्षीय पुरुषलाई पक्राउ गरेको छ । इटहरी–३ सुनौलो वस्तीका ६७ वर्षीय भागिराज दमाईलाई ९ वर्षीया बालिकालाई जर्बरजस्ती करणी गरेको आरोपमा प्रहरीले पक्राउ गरेको हो ।
मंगलबार साँझ ६ः३० बजे शारिरिक तथा मानसिक रुपमा अशक्त हिड्न र बोल्ने नसक्ने नाबालिकालाई जवरजस्ती करणी गर्दै गरेको अवस्थामा स्थानीयहरुले थाहा पाएर हल्लाखल्ला गरेपछि दमाई भागेका थिए । स्थानीयको खबरका आधारमा प्रहरी टोली परिचालित भई बुधबार बिहान दमाईलाई धरधरेबाट पक्राउ गरिएको प्रहरी निरीक्षक केशवबहादुर कटवालले जानकारी दिनुभयो । पक्राउ गरिएका उनीमाथि प्रारमभिक अनुसन्धान पश्चात आजै सम्मानित सुनसरी जिल्ला अदालतवाट जबरजस्ती करणी मुद्दा शिर्षकमा म्याद थप गरी थप अनुसन्धान कार्य भईरहेको जनाइएको छ ।
पीडित नाबालिकाको आमाले दोस्रो बिबाह गरी गएकी र निजको बाबुको समेत मृत्यु भैसकेकोले हाल इटहरी स्थित फुपुको घरमा बस्दै आएकी उनको स्वास्थ्य अवस्था लगायतका विषयमा प्रहरीले बुझिरहेको छ ।
