रबिन्द्र बराल
रंगेली । मोरङ रंगेली नगरपालिका ७ स्थित मुख्य बजारमा ट्रिपर को ठक्करबाट एकको मृत्युु भएको छ । पूर्वबाट पश्चिमतर्फ जाँदै गरेको बा ४ ख ३४९३ नम्बरको ट्रिपर ले ठक्कर दिँदा सोहि दिशाबाट जाँदै गरेको प्रदेश नम्बर १–०२–०४३प ८०११ नम्बरको मोटरसाईकल लाई ठक्कर दिँदा घाइतेको उपचारका क्रममा मृत्यु भएको हो ।
घाइते रतुवामाई नगरपालिका ६ सौठा बस्ने वर्ष ४२ का तिलक राज खड्कालाई उपचारका लागि रंगेली अस्पतालमा भर्ना गरिएको थियो । उनको त्यहिं मृत्यु भएको प्रहरीले जनाएको छ ।
ट्रिपर चालक धनपालथान गाउँपालिका ६ बस्ने वर्ष ३९ बिध्या सागर राय ईलाका प्रहरी कार्यलयको नियन्त्रणमा लिइएको प्रहरी निरीक्षक अनमोल खड्काले जानकारी दिनुभयो ।
