सुनसरी, असोज ७
आन्दोलनरत सँयुक्त मधेशी मोर्चाका बन्दकर्ताहरुले सुनसरी जिल्लाको भोक्राहामा बुधबार दुई एम्बुलेन्समा तोडफोड तथा एक मोटरसाइकलमा आगजनी गरेका छन्।
पूर्वपश्चिम राजमार्ग अन्तरगत भोक्राहा गाविस ५ मा बन्दकर्ताहरुले बिराटनगरबाट बिरामी बोकेर सिरहा जिल्लाको लहानतर्फ जादै गरेको को. १ च ४६९५ र स. १ त ८७३ नम्बरको एम्बुलेन्सको शिशा तोडफोड गरेका हुन्।
बन्दकर्ताहरुले सोही स्थानमा बुधबार राती धरानतर्फ आउदै गरेको बा. ५३ प ६८५४ नम्बरको मोटरसाइकलका चालकलाई कुटपिट गरी उक्त मोटरसाइकलमा आगजनी गरेका छन्।
कुटपिटबाट मोटरसाइकल चालक सुनसरी धरान नगरपालिका १५ बस्ने ३० वर्षिय कमल जिमी घाइते भएकाले उपचारकालागि ईनरुवा अस्पताल लगिएको छ। आगजनीमा संलग्न समुहको प्रहरीबाट खोजतलाश भइरहेको छ।
