तेह्रथुम, असोज २१
तेह्रथुम जिल्लाको खाम्लालुङ्ग गाविसमा पहिरोले घर पुरिंदा एकै परिवारका दुई जनाको मृत्यु भएको छ भने अन्य दुई जना घाइते भएका छन्।
घरमाथीबाट पहिरो खस्दा खाम्लुङ गाविस ६ बस्ने ४८ वर्षिय लोकेन्द्र कुरुङवाङ र निजको ८ वर्षिय छोरा संगम कुरुङवाङको घटनास्थलमै मृत्यु भएको हो।
पहिरोमा परी लोकेन्द्रकी ४६ वर्षिया पत्नी रेश्मा र १६ वर्षिया छोरी सन्ध्या घाइते भएकी छन्। घाइते दुबै जनालाई आठराई अस्पताल पुर्याईएको छ।
बुधबार राती करिब २ बजे सोही गाविसमा ६ पर्ने फलामे साँघु जलबिधुत आयोजनाको कुलो भत्कींदा उनको घरमाथीबाट पहिरो खसेर घर पुरिएको हो।
पहिरोले कुरूङवाङ परिवारको दुई वटा भैसी र चार वटा बाख्रासमेत पुरिएको छ।
घटनास्थलमा इलाका प्रहरी कार्यालय आठराईबाट प्रहरी निरीक्षकसहितको टोली खटिगई घाइतेहरुको उद्दार गरिएको छ।
