ईटहरी २१ असोज ।
पूर्वाञ्चल क्षेत्रयि ट्राफिक प्रहरी कार्यालय इटहरीमा हालै नया प्रहरी प्रमुखको जिम्मेवार सम्हाल्नु भएका एसपी पवन गिरीले ट्राफिक नियम उलङघन गर्ने जो कोहीलाई पनि कडा कार्वाही गर्न तयार रहेको बताउनु भयो । सुनसरीको इटहरीमा आज पत्रकारहरुसंग कुराकानी गर्दै एसपी गिरीले यस्तो बताउनु भएको हो । पूर्वाञ्चल ट्राफिक प्रहरी कार्यालय भवनमा भएको पत्रकार सम्मेलनमा एसपी गिरीले नेपालको बिभिन्न क्षेत्रहरुको तुलनामा पूर्वाञ्चल क्षेत्रमा सवारी साधनहरुको दुर्घटना स्थिती भयावह रहेको र यस्लाई नियन्त्रण गर्ने निकायहरु आफैमा गैर जिम्मेवार रहेको बताउनुभयो । यस्तो स्थितिलाई तत्काल नियन्त्रणका लागि पूर्वका १६ वटै जिल्लामा ट्राफिक नियम सम्बन्धि बिशेष जनचेतनामुलक कार्यक्रमहरुलाई प्राथमिकतामा राखेर अघी बढने एसपी गिरीले बताउनुभयो ।
०००००००००
