काठमाडौं । नेपाल बार एशोसिएसनले सभामुख र नेकपा (एमाले) संसदीय दलका नेतालाई ज्ञापनपत्र बुझाएको छ । सोमबार बारका पदाधिकारीहरुले सभामुख अग्निप्रसाद सापकोटा र एमाले संसदीय दलका उपनेता सुवासचन्द्र नेम्वाङलाई ज्ञापनपत्र बुझाउनुभएको हो ।
बारका महासचिव अधिवक्ता लीलामणि पौडेलले दिउँसो २ बजे सिंहदरबारस्थित संसद सचिवालयमा पुगेर ज्ञापनपत्र बुझाएको जानकारी दिनुभयो ।
प्रधानन्यायाधीश चोलेन्द्र शम्शेर जबराको बहिर्गमनका लागि सहयोग गर्न आग्रह गर्दै सभामुख सापकोटा र एमाले संसदीय दलका नेता नेम्वाङलाई आज बारले ज्ञापनपत्र बुझाएको हो ।
