झापा ।झापाको कन्काई नगरपालिका वडा नम्बर ८ स्थित पुर्व पश्चिम राजमार्गको बिरिङ्ग पुलमा बस दुर्घटना हुँदा १ जनाको मृत्यु भएको छ । साेही दुर्घटना परि २२ जना घाईते भएका छन् ।
आईतबार दिउँसो साढे १२ बजेको समयमा पुर्वबाट पश्चिम तर्फ जाँदै गरेको ना ५ ख ८०४१ नम्बरको बस अनियन्त्रित भई पुलको रेलिङ्गमा ठोक्किएर दुर्घटना हुँदा १ जनाको मृत्यु र २२ जना घाईते भएका हुन् । दुर्घटनामा घाईते भएकाहरुलाई उपचारको लागी अस्पताल पठाईएकोमा उपचारको क्रममा कन्काई नगरपालिका ७ का १६ बर्षिय उत्सव पौडेलको मृत्यु भएको हो । घाईतेहरुमध्ये ११ जनाको बि.एण्ड.सि अस्पतालमा उपचार भईरहेको र ११ जनाको बिर्तासिटी अस्पताल बिर्तामोडमा उपचार भईरहेको छ ।
घटनाबारे भने प्रहरीले थप अनुसन्धान गरिरहेको जनाएकाे छ ।
