बिनु तिम्सिना
बिराटनगर असोज २६
मधेशी मोर्चाले गरेको प्रदर्शनका कारण शनिबार देखि प्रभावित भएको जोगवनी नाका सोमबार राति देखि पुनः सुचारु भएको छ ।
मोर्चाका कारर्यकर्ताले दशगजामा प्रदर्शन थालेपछि ठप्प भएको जोगवनी नाका सोमबार राति देखि सुचारु भएको हो । जोगवनी नाकाबाट सोमबार राति इन्धन बाहेक ९० वटा औद्योगिक कच्चा पदार्थ तथा खाद्यान्नका कन्टेनर नेपाल भित्रीएको भन्सार अधिकृत राजेन्द्र ढुंगानाले जानकारी दिनुभयो । साथै आज बिहानै देखि नाका निर्वाध रुपमा सुचारु भएको र १० बजे सम्ममा पेट्रोल बाहेक डिजेल १३ वटा ट्याङ्कर र १५ वटा ग्यासका बुलेट नेपाल भित्रीएको उँहाले जानकारी दिनुभयो । अझै पनि इन्धन र अन्य मालबाहक सवारी लाइनमा रहेको र अब निर्वाधरुपमा नेपाल भित्रने उहाले बताउनुभयो ।
