विराटनगर । विराटनगरमा उपचारका लागि आएका सर्वसाधारणलाई झुक्याएर विभिन्न क्लिनिक तथा फार्मेसीमा पु¥याउने कार्य गर्दै आएको आरोपमा चारजना स्वास्थ्य बिचौलियालाई प्रहरीले पक्राउ गरेको छ । गाडीबाट आएका सर्वसाधारणलाई राम्रो चिकित्सक र राम्रो औषधी पाइने स्थानमा पु¥याएर कमिसन खानेहरुलाई प्रहरीले पक्राउ गरेको हो ।
पक्राउ पर्नेमा विराटनगर–१९ का ४६ वर्षीय बिनोद राय, विराटनगर–५ का ६० वर्षीय रामा सुनुवार, ४५ वर्षीय दिलिप साह र विराटनगर–१२ का ३९ वर्षीय शिवकुमार कामतलाई प्रहरीले पक्राउ गरेको हो ।
उनीहरुले सर्वसाधारणलाई झुक्याएर विभिन्न क्लिनिक, अस्पताल तथा फार्मेसीमा पु¥याउने र पु¥याए वापत कमिसन लिने गरेको सूचनाका आधारमा प्रहरीले पक्राउ गरेको मोरङ प्रहरीका प्रवक्ता दिपक श्रेष्ठले जानकारी दिनुभयो । प्रहरीले सर्वसाधारणलाई झुक्याउनका लागि कसैले यस्तो कार्य गरेको भए सूचना दिन समेत आग्रह गरेको छ । विभिन्न स्थानबाट सार्वजानिक सवारीमा आएका सर्वसाधारणलाई रिक्सामा अस्पतालसम्म पु¥याउने भन्दै उनीहरुले चढाएपछि कमिसन आउने स्थानमा पु¥याउने काम गर्दै आएका छन् ।
लामो समयदेखि स्वास्थ्य क्षेत्रमा बिचौलियाको काम गर्दै आएकाहरुलाई प्रहरीले पक्राउ गर्ने तर सामान्य कारवाही गरेर छोड्दिन गर्दा नागरिक ठगिने क्रम रोकिन सकेको छैन । विराटनगरको शनिमन्दिर, बिजुली अफिस, बरगाछी, महेन्द्रचौक, बसपार्कसम्म यस्ता बिचौलियाले आफ्नो सिटी रिक्सा लिएर उपचारका लागि आउने सर्वसाधारणको निगरानी गरिरहेका हुन्छन् । व्यवसायीक बिचौलियाले कतिपय बसका चालक तथा सहचालकसँग समेत साझेदारी गरेर उपचार गराउन आएकाहरुलाई आफ्नो पकडमा पार्ने गरेका छन् ।
