विराटनगर । विराटनगरको कञ्चनबारीमा चर्चित नेपाली गायक श्रीकृष्ण लुँईटेल सहितका ४ जना युवाहरुले क्लाउड नाइन्टिज रेष्टुरेन्ट एण्ड बार सञ्चालनमा ल्याएका छन् ।
विराटनगर–३ कञ्चनबारीस्थित एन.एम.बी बैंक अगाडि शुक्रबारदेखि उनीहरुले उक्त रेष्टुरेन्ट एण्ड बार सञ्चालनमा ल्याएका हुन् । रेष्टुरेन्ट एण्ड बारमा गायक श्रीकृष्ण लुँइटेल (बोकेदाह्री) सहित विराटनगरका नविन खतिवडा, सन्तोष सिंह र मिथिलेस मेहताले कुल २८ लाखको संयुक्त लगानी गरेका छन् ।
विराटनगरमा व्यवस्थित एवं गुणस्तरीय खानेकुरा पाउने रेष्टुरेन्टहरुको अभाव रहेको बिषयलाई दृष्टिगत गर्दै क्लाउड नाईन्टिज सञ्चालनमा ल्याईएको सञ्चालक मिथिलेस मेहताले बताए । उनले रेष्टुरेन्टमा विभिन्न परिकारका खानेकुराका साथै लाईभ गीत संगीतको व्यवस्था समेत रहेको जानकारी दिए ।
विराटनगरमा भने हाल २ दर्जन बढी रेष्टुरेन्ट एण्ड बार सञ्चालनमा छन् ।