तेजन खड्का
इटहरा मंसिर ११ गते ।
मोरङको इटहरास्थित सोमबारेमा आयोजित रमाईलो मिनी मेलामा नेपालका चर्चित हाँस्य कलाकारहरु प्रस्तुत भएका छन् । चर्चित हाँस्यकलाकारद्वय सुरेन्द्र केसी मुलाको साग र शिवशंकर रिजाल जोगीन्दर पानवालाले देशको वर्तमान अवस्था र अन्य विविध मसाला प्रस्तुत गरेपछि दर्शकहरुले हाँस्दै मनोरञ्जन लिएका थिए ।
नृत्य र गीतसंगै झुमिरहेका दर्शकहरु उनीहरुको प्रस्तुतिमा एक पेट पिचिमिचि हाँसेका थिए ।
हरेक दिन बिभिन्न हाँस्य कलाकार मनोरञ्जन दिलाएको मिनी मेलामा गुन्द्रुक साधेर,सुरवीर पण्डित दारी बाँले र बिष्णु बुढाथोकीले पनि मनोरञ्जन दिलाएका छन् । मंसिरको जाडोको कुनै प्रवाह नगरी दर्शकहरु भरिभराउ हुने गरेको आयोजक समितीका संयोजक कमल जोजो वाईवाले जानकारी दिएका छन् । स्थानीय तथा दार्जिलिङका कलाकारहरुले पनि
आकर्षक नृत्य प्रस्तुत गरेर साँझ मेलामा रौनकता थप्ने गरेका छन् । बुलेट गाइज क्लवले गर्ने सामाजिक कामका लागि सहयोगार्थ मेलामा केहि दिनमा भित्रमै हर्के हवल्दार पनि मेलामा प्रस्तुत हुने कार्यक्रम रहेको पनि वाईवाले जानकारी दिए ।
