प्रेम देवान
विराटनगर, २४ मंसिर ।
लायन्स क्लब अफ विराटनगर ग्रिनसिटी र लियो क्लब अफ विराटनगर ग्रिनसिटीका नवनिर्वाचित पदाधिकारीहरुलाई बुधबार एक कार्यक्रमकाबीच पदस्थापन गराइएको छ ।
विराटनगरमा भएको कार्यक्रममा नवनिर्वाचित लायन्स क्लब अफ विराटनगर ग्रिन सिटीका अध्यक्ष शीतला सुब्बा र लियो क्लब ग्रिन सिटीका अध्यक्ष मनिषकुमार साह तथा पदाधिकारीलाई लायन्स क्लब इन्टरनेशनल ३२५ ए वानका डिस्ट्रिक गभर्नर सुनिलभक्त श्रेष्ठले पदभारसहित सपथग्रहण गराउनु भएको छ ।
सो अवसरमा बोल्दै गभर्नर श्रेष्ठले ग्रिनसिटीको १३ वर्षे इतिहासमा मानवीय सेवाका असंख्य कामहरु गरेको उल्लेख गर्दै आगामी दिनमा समेत नवनिर्वाचित पदाधिकारीहरुले त्यसलाई निरन्तरता दिने विश्वास व्यक्त गर्नुभयो । यस्तै नवनिर्वाचित अध्यक्ष शीतला सुब्बाले ग्रिनसिटीको इतिहासमा आफू पहिलो महिला अध्यक्ष निर्वाचित हुन पाएकोमा गौरवान्वित महशुस गरेको बताउनुभयो ।
कार्यक्रममा नेपाली कांग्रेसका नेता डा. शेखर कोइराला, विराटनगर उपमहानगरपालिकाका कार्यकारी अधिकृत गोपालप्रसाद रेग्मी, लायन्स क्लबका पूर्वडिस्ट्रिक गभर्नर भीम घिमिरे, मल्टिपल डिस्ट्रिक चेयर पर्सन पूmलकुमार लालवानीलगायतले शुभकामना व्यक्त गर्नुभयो । सो अवसरमा सांस्कृतिक कार्यक्रमसमेत प्रस्तुत गरिएको थियो ।
कार्यक्रममा नेपाली कांग्रेसका नेता डा. शेखर कोइरालाले विराटनगरलाई हरीयाली बनाउन आफ्नो ससद कोषबाट एक लाख सहयोग गर्ने बताउनुभयो ।
