पौष १६, काठमाडौं ।
साफ च्याम्पियनसिप फुटबलमा आज सेमिफाईनलका खेलहरु हुदैछन् । डिफेन्डिङ च्याम्पियन अफ्गानिस्तानले श्रीलंका तथा आयोजक भारतले माल्दिभ्ससंग प्रतिस्पर्धा गर्दैछ ।
अफ्गानिस्तान र भारत समुह विजेता बन्दै अन्तिम ४ मा प्रवेश गरेका थिए । भारत र माल्दिभ्सबीचको खेल केरेलास्थित त्रिवेन्दम रंगशालामा दिउँसो ४ बजे सुरु हुनेछ । दोस्रो खेलमा अफ्गानिस्तान र श्रीलंका बेलुका ७ बजे भिड्नेछन् ।
समुह बी विजेता बन्ने क्रममा अफ्गानिस्तानले समुह चरणमा बंगलादेशलाई ४–० ले, भुटानलाई ३–० र माल्दिभ्सलाई ४–१ ले पराजित गरेको थियो । भारतले समुह चरणमा नेपाललाई ४–१ र श्रीलंकालाई २–० गोल अन्तरले पराजित गर्दै समुह विजेता बनेको थियो ।
अफ्गानिस्तानले एसियाली फुटबल महासंघको सदस्यता दक्षिणबाट मध्यक्षेत्रमा सारिसकेकाले साविक विजेताकालागि साफ च्याम्पियनसिप अन्तिम सहभागिता रहनेछ ।
