विराटनगर । विराटनगरबाट मोटरसाइकल चोरी गरेको आरोपमा दुईजना पक्राउ परेका छन् । विराटनगर-९ बाट पार्किङ गरिराखेको को २० प ५०१० नम्बरको मोटरसाइकल बैशाख ३ गते साँझ ६ बजे चोरी गरेको आरोपमा उनीहरुलाई पक्राउ गरिएको हो ।
पक्राउ पर्नेमा विराटनगर-१२ का २६ वर्षीय राजकुमार कामत र २० वर्षीय प्रविन मण्डल रहेका छन् । उनीहरुलाई प्रहरीले हिजो पक्राउ गरेको थियो । उनीहरुसँगै चोरी भएको मोटरसाइकल समेत बरामद गरिएको प्रहरी नायव उपरीक्षक दिपक श्रेष्ठले जानकारी दिनुभयो । दुवै विरुद्ध मोरङ जिल्ला अदालतबाट चारदिनको म्याद थप गरि चोरी कसुरमा अनुसन्धान भईरहेको छ ।
