विराटनगर । पङ्खाले हावा फाल्न छाडेपछी विराटनगर महानगरपालिका वडा नम्बर ३ को मतगणना रोकिएको छ ।
पङ्खामा प्राविधिक समस्या देखिएर असाध्यै गर्मीमा भएपछि वडा नं. ३ को मतगणना रोकिएको हो । गर्मीका कारण उम्मेदवारका प्रतिनिधि कोठा बाहिर निस्किएपछि मतगणना स्थगित भएको बताईएको छ । पङ्खाको व्यवस्था भएपछि मात्र मतगणना सुरु हुने गणकहरुको भनाई छ ।
यता, विराटनगरस्थित मुख्य निर्वाचन अधिकृतको कार्यालयका पङ्खा मर्मतका लागि ईलेक्ट्रिसियनलाई बोलाईसकिएको जनाएको छ । पङ्खा रिपेयर हुनासाथ मतगणना पनि सुरु हुने कार्यालयका सूचना अधिकारी हेम बहादुर बुढाथोकीले बताएका छन् । वडा नं. ३ को मतगणना मङ्गलबारदेखी सुरु भएको थियो ।
विराटनगर-७ स्थित आदर्श माध्यमिक विद्यालयको विभिन्न कक्षाकोठामा हाल ९ वडाको मतगणना भइरहेको छ ।
