रोडमा ढुङ्गा,हानेर मात्रै जिन्दगी नफाल
पार्टीको झन्डा छानेर मात्रै जिन्दगी नफाल!
ए नेता तिमी बिकाश गर्ने समय भरिमा
अर्काको खुट्टा तानेर मात्रै जिन्दगी नफाल!
नेपाली युवा नेपाल भित्रै गरेर देखाउ
विदेशी कुरा मानेर मात्रै जिन्दगी नफाल!
हातले सधैं गरेमा काम हुनेछ प्रगती
मुखले कुरा जानेर मात्रै जिन्दगी नफाल!
संसार बाट मरेर जाने यो हाम्रो चोलामा
अरुको गल्ती ठानेर मात्रै जिन्दगी नफाल!!
