विराटनगर । सुनसरीको गढी गाउँपालिका-४ स्थितबाट अवैध लागुऔषध सहित १ जनालाई प्रहरीले पक्राउ गरेको छ ।
सोमबार दिउँसो करिब २ बजे जिल्ला प्रहरी कार्यालय सुनसरीबाट खटिएको प्रहरी टोलीले बोरा बोकी पैदल हिडिरहेका स्थानिय २७ बर्षीय रोशन मेहेतालाई संका लागि चेकजाँच गर्दा बोरा भित्र लुकाई राखेको डायलेक्स-डीसी १०० एम एल को २० बोतल, नाइट्रोसन-१०० ट्यावलेट, नाइट्रावेट-७०० ट्यावलेट बरामद गरेको हो । लागुऔषध सहित पक्राउ परेका मेहताको जिल्ला प्रहरी कार्यालय सुनसरीबाट थप अनुसन्धान भईरहेको जनाएको छ ।
