विराटनगर - पिएल ओ कोशी हरैचा चौथो केविआरयू कन्दङवा गोल्डकप आयोजना गरिने भएको छ । मोरङको विराटचोकमा शनिवार आयोजक सगरमाथा युथ क्लवले पत्रकार सम्मेलन गरी फागुन १२ गते देखी गोल्डकप आयोजना गर्ने बताएको छ ।
सगरमाथा युथ क्लवका अध्यक्ष जनार्दन बास्तोलाले तिन बर्ष सम्म स्थगित भएको प्रतियोगतामा पुन सञ्चालन गर्न लागेको जानकारी दिए । बास्तोलकाका अनुसार फागुन १९ गते सम्म सञ्चालन हुने प्रतियोगितामा नेपाल र भारतका आठ टिमले सहभागिता जनाउने छन् । प्रतियोगितामा नेपाल आर्मी क्लव काठमाण्डौ एपिएफ क्लव काठमाण्डौ, मनाङ मस्र्याङदी क्लव काठमाण्डौ, चर्जब्याइज क्लव काठमाण्डौ, रुपन्देही ११, रमपम झापा ११, दार्जिलिङ युथ क्लव भारत र आयोजक सगरमाथाम युथ क्लव गरी आठ टिमले सहभागिता जनाउने छन् ।
प्रतियोगिताको बिजेता टोलीले दुई लाख एक हजार एकसय एघार र उपविजेता टिमले एक एक हजार एकसय एघार नगद र ट्रफि हात पार्ने छन् । प्रतियोगिता सञ्चालनकालागि ३२ लाख खर्च हुने बताइएको छ । आयाजकले ७० बर्ष भन्दामाथिका बृद्धबृद्धा र १० बर्ष भन्दा कम उमेरका बलवालिकालाई निशुल्क खेल हेर्ने व्यावस्था मिलाएको छ ।
