विराटनगर । व्युटिपालर संचालन गरेर व्यावसाय गर्दै आएका सौन्दर्यकर्मीहरुलाई १० दिने माईक्रोब्लेडिङ प्रोफेनल व्युटिसियन तालिम प्रदान गरिएको छ ।
झापा विर्तामोडमा रहेको युनिक मोर्डन व्युटि एकेडेमी मेकअप स्टुडियोले विराटनगरमा रहेका व्युटिसियनहरुलाई प्रोफेनल क्लासिक माईक्रोब्लेडिङ सम्बन्धी तालिम दिएको हो ।
तालिममा विराटनगर दुहवीबाट सहभागी २० जना व्यावसायिक रुपमा व्युटिपालर तथा सैलुन संचालन गर्दै आएका महिला तथा पुरुषहरुलाई १० दिने माईक्रोब्लेडिङ सम्बन्धी तालिम दिएको हो ।
१० दिने तालिममा माईक्रोब्लेडिङ र माईक्रोसेडिङ प्रोफेसनल मेकअप सम्बन्धी तालिम प्रदान गरिएको युनिक मोर्डन व्युटी एकेडेमी मेकअप स्टुडियोकी संचालिका तथा बरिष्ट व्युटिसियन धनु कन्दङवा ईङ्गनामले जानकारी दिनुभयो । व्युटिसियनलाई अझ उनीहरुको पेशा तथा शिप विकासमा क्षमता अभिवृद्धी होस भन्ने उद्धेस्यका साथ तालिम आयोजना गरिएको ईङ्गनामले बताउनुभयो ।
व्यावसायिक रुपमा व्युटिपालरको लागी थप ज्ञान र सिपले गर्दा अगाडी बढ्न समेत मदत पुग्ने हुदाँ विभिन्न ठाँउहरुमा पुगेर व्यटिसियनहरुलाई तालिम दिदै आएको उहाँले बताउनुभयो । कन्दङवा राष्ट्रिय सौन्दर्यकर्मी युनियन नेपाल (नावुन ) की केन्द्रिय सचिव समेत हुन् । तालिम पस्चात सहभागी व्युटिसियनहरुलाई प्रमाणपत्र तथा अतिथीहरुलाई मायाको चिनो प्रदान गरिएको थियो ।
