विराटनगर २३ फागुन । इन्भटर पड्किदा विराटनगर १४ ट्राफिक चौक स्थित सुनिलकुमार हलुवाईको चार तले घरमा आगलागी भएको छ ।
गएराती हलुवाईको घरको भुँई तलामा विराटनगर १३ की निशा कर्णले संचालन गरेको बेकरी पसलमा इन्भटर पड्किएर आगलागी भएको नगर प्रहरीले जनाएको छ ।
सो आगलागीमा करीब ६० हजार रुपैयाँ बराबरको क्षति भएको प्रहरीले जनाएको छ । आगो गए राती नै मोरङ प्रहरी प्रमुख एसपी सन्दीप भण्डारीको नेत्रृत्वमा गएको प्रहरी र स्थानीय बासिन्दाको सहयोगमा आधा घण्टापछि आगो नियन्त्रणमा लिइएको थियो ।
