विराटनगर । मोरङको बेलबारी ९ स्थित जनता माध्यमिक विद्यालय बाहुनीले नमुना विकास कार्यक्रम अन्तर्गत नवनिर्मित भवनको शिलान्यास बेलबारी नगरपालिकाका नगर प्रमुख दिल प्रसाद राईले गरेका छन् ।
शनिबार एक कार्यक्रमबीच विद्यालय प्रागणसगै रहेको जग्गामा बैद्धिक विधि अनुसार पुजापाठ गर्दै नगर प्रमुखराईले भवनको शिलान्यास गरेका हुन् । ३ कठ्ठा ७ धुर जग्गामा निर्माण हुने नवनिर्मित दुई तल्ला भवनमा ६ वटा अत्याधुनिक कोठाहरु निर्माण गरिने विद्यालयका प्रमुख टेक नारायण साहले बताए । ६५ लाख ५६ हजार रुपैयाँ लागतमा निर्माण हुने भवन विस २०८० पुस मसान्त सम्ममा सम्पन्न हुने साहले जानकारी दिए ।
निर्माण हुनगई रहेको भवनमा पुस्तकालय,कम्प्युटर तथा विज्ञान प्राविधिक प्रयोगशाला अत्याधुनिक कक्षहरु संचालन गर्न सकिने व्यवस्था गरिएको नगर प्रमुख राईले शिलान्यास कार्यक्रममा बताए ।
शिलान्यास कार्यक्रममा वडा नं.९ का अध्यक्ष सालिग्राम बस्नेत विद्यालय व्यवस्थापनका अध्यक्ष,शिक्षक,स्थानीयबासी लगायतको उपस्थिति रहेको थियो ।
