धनगढी चैत १६
कन्चनपुरकी एक महिलालाई पतिले जिउँदै आगो लगाइदिएका छन्। बाइसे बिचुवा–७ भीमबस्ती निवासी जानकी जोशीलाई बुधबार राति आगो जलाइए पनि उनलाई दुई दिनपछि मात्र उपचारका लागि अस्पताल ल्याइएको छ ।
मदिरा सेवन गरेको निहुँमा झगडा परेपछि श्रीमान नारदले शरीरमा आगो लगाइदिएको र उपचार गर्न अस्पताल ल्याउन पनि नदिएको पीडित जोशीले बताइन् । प्रहरीले पनि घटना ढिलो जानकारीमा आएको बताएको छ । आइतबार मात्र पीडित महिलाका भाइ पुष्पराज जोशीबाट शरीरमा आगो लगाएर हत्या गर्न खोजेको भन्ने उजुरी आएको प्रहरीले बताएको छ ।
