बेलबारी । बेलबारी नगरपालिकामा टी–२० प्रिमियर लिग आयोजना हुने भएको छ ।
बेलबारी क्रिकेट क्लबको आयोजनामा मंसिर १० गते देखी प्रिमियर लिग हुन लागेको हो ।
क्रिकेट विकासमा हाम्रो ध्यान भन्ने नाराका साथ प्रथम बेलबारी प्रिमियर लिग आयोजना हुन लागेको मंगलबार बेलबारीमा पत्रकार सम्मेलनको आयोजना गरेर जनाइएको थियो । प्रतियोगिता बेलबारी ४ स्थित बेतना युनाइटेडको खेलमैदानमा हुने क्लबका अध्यक्ष विपिन आचार्यले बताए । उक्त प्रतियोगिता नगर स्तरीय हुने जनाईएको छ ।
बेलबारी नगर भित्रका ६ वटा विभिन्न सङ्घसंस्था, कम्पनी, उद्योगलाई कर्पोरेट पार्टनरका रूपमा छनौट गरी नगरका विभिन्न वडामा रहेका क्रिकेट खेलाडीहरूलाई उक्त ६ वटा कर्पोरेट टिपमा समावेश गरी प्रतियोगिता आयोजना गरिने आचार्यले बताए ।
