विराटनगर । धरानमा एउटा घरको नक्सा पास गर्न पाँच वटा विरुवा रोप्नुपर्ने नियम लागू हुने भएको छ।
धरान उप-महानगरपालिकामा प्रमुख हर्क साम्पाङले उपमहानगरभित्र घरको नक्सा पास गराउन र निर्माण सम्पन्न प्रमाणपत्र लिन कम्तीमा पाँच वटा विरुवा अनिवार्य रोप्नुपर्ने नियम लागू गर्न लागिएको सामाजिक सञ्जाल फेसबुकमार्फत जानकारी दिएका छन्।
साम्पाङले उपमहानरभित्र यस्तो नियम चाँडै लागू गरिने बताएका छन् ।
साम्पाङले सामाजिक सञ्जाल फेसबुकमा यस्तो लेखेका छन् :
‘अब उप्रान्त धरानमा एउटा घर बनाउने नक्सा पास गर्न या सम्पन्न पत्र पाउन कम्तिमा पाँचवटा विरुवा अनिवार्य रुपमा रोप्ने नियम लागू गरिनेछ।’
फोटो:फाइल
