विराटनगर । कृषकहरुद्वारा पराल व्यवस्थापनमा उपयोगि आधुनिक कृषि उपकरणको अवलोकन गरेका छन् ।
पराल व्यवस्थापन तालिम सम्बन्धी ३ दिने कार्यक्रम अन्तर्गत आज मोरङको झोराहाटस्थित प्रणाम एग्रोको फार्म अवलोकन गराइएको हो ।
सेन्टर फर सस्टेनेबल एग्रिकल्चर मेकनाइजेसनको सहयोगमा तथा पूर्वान्चल क्याम्पस धरानको कृषि ईन्जियरिगं विभागको आयोजनामा पराल व्यवस्थापनको तालिम सम्बन्धी कार्यक्रम गरेको हो।
उक्त फार्ममा पराल व्यवस्थापनमा उपयोगि आधुनिक कृषि उपकरणको प्रयोगात्मक अवलोकन गराइएको तालिमको संयोजक उप-प्राध्यपक यम कुमार राईले जानकारी दिए।
पराल जलाएर हुने वातावरणीय र कृषि प्रभाव कम गर्ने उदेश्यले पराल व्यवस्थापन सम्बन्धी तालिम आयोजना गरेको तालिमको संयोजक राईले बताए।
मोरङ, झापा सुनसरीका ५० जना किसान र १५ जना अपरेटरको सहभागिता रहेको थियो ।
