काठमाडौं । कतारमा जारी फिफा विश्वकप फुटबलको क्वाटरफाइनलका खेल आजदेखि सुरु हुँदैछन् ।
क्वाटरफाइनलको पहिलो खेलमा ब्राजिल र क्रोएसियाबीचको खेल नेपाली समयअनुसार आज राति पौने ९ बजे एजुकेसन सिटी मैदानमा सुरु हुनेछ ।
त्यस्तै दोस्रो क्वाटरफाइनल खेलमा अर्जेन्टिना र नेदरल्यान्ड्स नेपाली समय अनुसार आज राति पौने १ बजे लुसाइल मैदानमा खेल्दैछन् ।
फिफा विश्वकपमा सबैभन्दा बढी सफलता हासिल गर्ने टोली ब्राजिल हो । ब्राजिलले पाँच पटक विश्व कपको उपाधि उचाल्दा इटली र जर्मनीले चार/चार पटक, अर्जेन्टिना, फ्रान्स र उरुग्वेले दुई/दुई पटक तथा इङ्ल्यान्ड र स्पेनले एक/एक पटक उपाधि हातपारेका छन् ।
विश्वकपको फाइनल खेल भने पुस ३ गते हुनेछ ।
