बिराटनगर बैशाख ७ ,
सोमबारदेखि पेट्रोलियम मापनको विषयलाई लिएर विराटनगरका ट्यांकर व्यवसायीले पेट्रोलिय पदार्थ ढुवानी बन्द गरेका छन् । जसका कारण अहिले बिराटनगरमा पेट्रोलियम पदार्थको अभाव सिर्जना भएको छ । नेपाल आयल निगमको नियमविपरीतको माग राख्दै उनीहरुले ढुवानी बन्द गरेका हुन् । नेपाल आयल निगमका अनुसार भारतबाट आयात गरिएको पेट्रोलियममा निगमको डिपोमा खन्याउनुभन्दा अघि नै तापक्रम नापेर मात्र खन्याइन्छ जसको कारण बाटोमा तेल चोरी भए नभएको थाहा पाउने गरिन्छ। नियमको नियमअनुसार तापक्रम लिँदा बीचबाट लिनु पर्छ तर चालकहरुको माग सबभन्दा तलबाट लिनुपर्छ भन्ने रहेको छ ।
