सिरहा, बैशाख ८
सिरहाको गोलबजारमा प्रहरीको सकृयतामा नगर सर-सफाई गरिएको छ।
नगर सर-सफाई अभियान अन्तरगत आज बिहान ७ बजे प्रहरी र स्थानीय सरोकारवालाहरु मिलेर गोलबजार नगरपालिकाको वडा नम्बर ४ र ६ का बिभिन्न स्थानहरुमा सर-सफाई गरेका हुन्।
सर-सफाई कार्यक्रममा स्थानीय नेपाल प्रहरी, सशस्त्र प्रहरी, नगरपालिकाका कर्मचारी, बिभिन्न राजनैतिक दल, नागरिक समाजका प्रतिनिधी तथा स्थानीयवासीसहित अन्दाजी ७० जना सहभागी भएको थियो।
गोलबजार नगर क्षेत्रलाई स्वच्छ र सफा राख्ने प्रहरीको अभिप्रायसहित इलाका प्रहरी कार्यालय गोलबजारले स्थानीय सरोकारवालाहरुको सहकार्यमा प्रहरीले सात हप्ता अघि नगर सरसफाई अभियानको थालनी गरेको इलाका प्रहरी कार्यालय गोलबजारका प्रहरी निरीक्षक सन्तोष निरौलाले बताए।
